公司動態

CYG² 試點計劃:招募香港及台灣獸醫診所

CYG² 招募 3–5 間試點診所,一齊喺真實診所流程入面試用居家血壓監測。

CYG² 研發緊由獸醫處方嘅居家血壓監測方案,依家招募 3–5 間試點診所。香港同台灣嘅診所都歡迎申請。

我哋想做乜

貓喺診所會緊張,血壓可能暫時升高。我哋想同前線獸醫一齊,試下由飼主喺屋企按獸醫指示量度,數據再交返畀獸醫,睇下呢個流程喺真實診所入面行唔行得通。

診所要做乜

  • 揀選合適嘅貓,例如有慢性腎病、甲亢,或者已確診、懷疑有高血壓
  • 為飼主開處方同講解點樣量
  • 覆診時睇讀數報告,畀我哋意見

CYGG 提供乜

  • 試點用嘅量度設備同袖帶
  • 診所同飼主培訓
  • 讀數報告同技術支援

點樣申請

請到獸醫專區填寫試點申請表。計劃時間、收費安排同參與條款仲喺度定,我哋會喺傾嘅時候同每間診所逐一確認。

產品仲喺研發中,功能同規格以最終產品為準。